राज्यात मराठा आंदोलनाचा भडका उडाला असून अनेक शहरात आंदोलकांनी रस्त्यात टायर जाळून वाहतूक ठप्प केली होती. पुणे, बीड, मुंबई व संपूर्ण मराठवाड्यात मराठा समाज आक्रमक झाल्याचे पाहायला मिळालं. दरम्यान संभाजीनगरमधील शेकटा गावात एका तरुणाच्या अनोख्या आंदोलनाने सर्वांचं लक्ष वेधून घेतलं आहे. सुधाकर विश्वनाथ शिंदे या तरुणाने ३०० फूट उंच मोबाईल टॉवरवर चढून ७ दिवसांपासून आमरण उपोषण सुरू केले आहे.
