मुलांनी नारायण राणेंना समजवावं!
‘नारायण राणे हे किंमतीचे नेते आहेत. मी त्यांना मानत होतो, मानतो म्हणून आजवर काही बोललो नाही. त्यांच्या वयाचा आदर करतो. माझ्या तोंडातून एखादा शब्द जाऊन त्यांना डाग लागू नये असं मला वाटतं. माझी भावना समजून घ्या. नाहीतर मी पुरा पाणउतारा करेन. सोडणार नाही. पाच वेळा आम्ही सांगितलंय, पण त्यांना काही दम निघत नाही. आता माझी ऐकून घेण्याची क्षमता संपलीय. आता पुन्हा बोलले की सोडणार नाही. ज्याला कुणाला खेटायचं असेल त्याला खेटायची तयारी आहे, असं जरांगे पाटील म्हणाले. ‘नारायण राणे यांना मी एका शब्दानंही अजून बोललेलो नाही. त्यांच्या मुलांनी त्यांना समजावून सांगावं. आम्हालाही मर्यादा आहेत. नाहीतर कचाट्यात सापडला की धुवून काढीन,’ असं त्यांनी सुनावलं.
