फलटण (साहस टाइम्स) – अहिंसा, सत्य आणि संयमाचा संदेश देणारे भगवान महावीर यांची जयंती आज फलटणमध्ये श्रद्धा आणि उत्साहात साजरी करण्यात येत आहे. या पार्श्वभूमीवर शहरातील महावीर स्तंभावर खास अभिवादन कार्यक्रमाचे आयोजन करण्यात आले होते.
फलटण-कोरेगाव विधानसभा मतदारसंघाचे आमदार सचिन पाटील यांनी महावीर स्तंभाजवळ उपस्थित राहून भगवान महावीर यांच्या चरणी अभिवादन केले. यावेळी महायुतीतील भारतीय जनता पक्ष, राष्ट्रवादी काँग्रेस पक्ष आणि शिवसेनेचे पदाधिकारी मोठ्या संख्येने उपस्थित होते.
महावीर जयंतीनिमित्त शहरात विविध धार्मिक, सामाजिक आणि सांस्कृतिक कार्यक्रमांचे आयोजन करण्यात आले आहे. शांततेचा संदेश देणाऱ्या भगवान महावीरांच्या शिकवणीचा प्रसार करण्याचा निर्धार यावेळी भाविकांनी व्यक्त केला.
