Madhuri Dixit Lok Sabha Elections: बॉलिवूडची ‘धकधक गर्ल’ अर्थात अभिनेत्री माधुरी दीक्षित लवकरच एका नव्या भूमिकेतून प्रेक्षकांच्या भेटीला येणार आहे. यावेळी ती निर्माती म्हणून प्रेक्षकांच्या समोर येणार आहे. माधुरी दीक्षित आणि डॉ. श्रीराम नेने यांची निर्मिती असलेला ‘पंचक’ हा चित्रपट लवकरच प्रेक्षकांच्या भेटीला येणार आहे. या निमित्ताने सध्या माधुरी दीक्षित खूप चर्चेत आहे. या दरम्यान अशीही चर्चा सुरू होती की, अभिनेत्री माधुरी दीक्षित येणारी लोकसभा निवडणूक लढवणार असून, राजकारणाच्या रिंगणात उतरणार असल्याचे म्हटले जात होते. यावर आता स्वतः माधुरी दीक्षित हिनेच उत्तर दिले आहे. नुकत्याच एका पोर्टलला दिलेल्या मुलाखतीत माधुरी दीक्षित हिने निवडणूक लढवण्यावर प्रतिक्रिया दिली आहे.
