📍 नाशिक | 8 फेब्रुवारी 2025 परभणीतील डॉ. बाबासाहेब आंबेडकर यांच्या पुतळ्याजवळील संविधानाच्या प्रतिकृतीची विटंबना आणि त्यानंतर घडलेल्या पोलिसी अत्याचाराविरोधात आंबेडकरी समाजाने तीव्र आंदोलन छेडले आहे. या घटनेच्या निषेधार्थ परभणीत आंबेडकरी संघटनांनी बंद पुकारला होता, मात्र त्या दिवशी झालेल्या दंगलीच्या पार्श्वभूमीवर पोलिसांनी लाठीचार्ज करत आंबेडकरी वस्त्यांमध्ये कोंबिंग ऑपरेशन केले. या दरम्यान, निरपराध नागरिकांना अमानुषपणे मारहाण करण्यात आली, महिलांवरही अत्याचार झाले.

या घटनेत सोमनाथ सूर्यवंशी, जो एलएलबीच्या तिसऱ्या वर्षात शिकत होता, त्याला पोलिसांनी अटक करून पोलीस कोठडीत बेदम मारहाण केली. यातच त्याचा मृत्यू झाला. याच पोलिसी अत्याचारामुळे आंबेडकरी चळवळीतील ज्येष्ठ नेते विजय वाकोडे यांना तीव्र हृदयविकाराचा झटका आला आणि त्यांचे निधन झाले.

भीमसैनिकांचा परभणी ते मंत्रालय लाँग मार्च

या अमानुष घटनेच्या विरोधात आशिष वाकोडे, सुधीर साळवे आणि अन्य आंबेडकरी नेत्यांच्या नेतृत्वाखाली 17 जानेवारी 2025 पासून परभणी ते मंत्रालय असा लाँग मार्च सुरू आहे. गेल्या 22-23 दिवसांपासून या चळवळीतील कार्यकर्ते, माता-भगिनी कोणत्याही सुविधांशिवाय, ऊन, थंडी, भूक, तहान सहन करत चालत आहेत. काहींना चप्पलही नाहीत, तर अनेकांचे पाय रक्तबंबाळ झाले आहेत.

या आंदोलनाला पाठबळ देण्यासाठी कर्मवीर दादासाहेब गायकवाड सांस्कृतिक केंद्राचे अध्यक्ष विजय जाधव यांनी 26 जानेवारीच्या कार्यक्रमात 25,000 रुपये संकलित केले आणि 50,000 रुपये निधी गोळा करण्याचा संकल्प केला. हा निधी दैनिक रत्न सम्राटचे कार्यकारी संपादक कुणाल कांबळे यांच्याकडे सुपूर्त करण्यात आला आणि त्यांनी तो नाशिकमध्ये आशिष वाकोडे यांच्याकडे हस्तांतरित केला.

नाशिकमध्ये औषध उपचार आणि मदतीचे आवाहन

नाशिक जिल्ह्यातील विंचूर येथे अरुण निकम, त्यांची मुलगी डॉ. सुप्रिया आणि पुतण्या विशाल निकम यांनी जखमी कार्यकर्त्यांसाठी औषधोपचार आणि आवश्यक वस्तूंचे वाटप केले. अनेक कार्यकर्त्यांचे पाय सुजलेले, जखमी झालेले असून त्यांच्यावर पेन किलर स्प्रे व मलम लावण्यात आले.

भीमसैनिकांना आंदोलनासाठी पाठबळ देऊया!

दलित पँथरच्या स्थापनेपासून आंबेडकरी समाजाने अन्यायाविरोधात लढण्याची परंपरा कायम ठेवली आहे. मग ती वरळी दंगल असो, रमाबाई नगर गोळीबार असो किंवा नामांतर आंदोलन असो, आंबेडकरी समाजाने नेहमीच बलिदान देत संघर्ष केला आहे. मात्र, आज भीमसैनिक मंत्रालयाच्या दिशेने न्यायासाठी चालत असताना आपण फक्त सोशल मीडियावर प्रतिक्रिया देऊन स्वस्थ बसतो आहोत का?

लाखोंच्या संख्येने सहभागी व्हा!

सध्या हा लाँग मार्च नाशिकमधील पांडव लेणी येथे पोहोचला आहे. त्यामुळे सर्व आंबेडकरी बांधवांनी मोठ्या संख्येने यात सहभागी होऊन सरकारवर दबाव टाकावा आणि या आंदोलनाला यश मिळवून द्यावे. तसेच आर्थिक मदत करूनही आपण आपले कर्तव्य पार पाडू शकतो.

📌 आर्थिक मदतीसाठी Google Pay क्रमांक: 9167369272 (डॉ. सुप्रिया)

✊ जयभीम!

🔹 अरुण निकम
📞 9323249487
📅 8 फेब्रुवारी 2025