Kajol Social Media Exit Reason: बॉलिवूड अभिनेत्री काजोल सध्या तिच्या सोशल मीडियाला रामराम करण्याच्या निर्णयावरून चर्चेत आली आहे. ‘मी माझ्या आयुष्यात सध्या अतिशय कठीण टप्प्यातून जात आहे’, असे म्हणत काजोलने सोशल मीडियावरून ब्रेक घेण्याचा निर्णय घेतला होता. मात्र, आता यामागचे कारण स्पष्ट झाले असून, हे कारण जाणून घेतल्यानंतर आता चाहते चांगलेच वैतागले आहेत. काजोल नेहमीच आपला मुद्दे बेधडकपणाने मांडते. लाखोंची कमाई करूनही, भाजी विक्रेत्याशी भाव करणे असो किंवा स्वस्त वस्तू खरेदी करणे असो, तिच्या स्पष्टवक्तेपणामुळे ती नेहमीच चर्चेत असते. यातच काजोलची पोस्ट वाचून चाहत्यांना वाटले होते की, कदाचित अभिनेत्रीच्या आयुष्यात काही मोठी समस्या आहे. पण, आता तिच्या आयुष्यातील तो कठीण टप्पा कोणता होता, हे समोर आले आहे. मात्र, आता चाहते अभिनेत्रीवर जोरदार टीका करत आहेत.
