Happy Birthday Jr NTR : साऊथ सुपरस्टार नंदामुरी तारका रामाराव अर्थात ज्युनियर एनटीआर आज (२० मे) आपला वाढदिवस साजर करत आहे. ज्युनियर एनटीआरचा जन्म २० मे १९८३ रोजी तेलंगणातील हैदराबाद शहरात झाला. अभिनेता ज्युनियर आंध्र प्रदेशचे माजी मुख्यमंत्री एन.टी. रामाराव यांचा नातू. ज्युनियर एनटीआरचे वडील नंदामुरी हरिकृष्णा हे देखील प्रसिद्ध अभिनेते, चित्रपट निर्माता आणि राजकारणी होते. ज्युनियर एनटीआरने आपले प्रारंभिक शिक्षण हैदराबाद, तेलंगणा येथील ‘विद्यारण्य हायस्कूल, हैदराबाद’मधून केले. त्यानंतर पुढील शिक्षणासाठी त्याने हैदराबाद येथील सेंट मेरी कॉलेज, हैदराबाद येथे प्रवेश घेतला आणि तेथून त्याने बी.टेक.ची पदवी प्राप्त केली.
