शाहरुख खानचा ‘जवान’ हा चित्रपट ७ सप्टेंबरला रिलीज होत आहे. शाहरुख खानच्या आगामी चित्रपटाबाबत सोशल मीडियावर बरीच चर्चा पाहायला मिळत आहे. ‘जवान’चे निर्मातेही सोशल मीडियावर बझ वाढवण्यासाठी नवनव्या कल्पना वापरत आहेत. दररोज या चित्रपटाशी संबंधित पोस्टर आणि व्हिडीओ रिलीज केले जात आहेत. अॅटली कुमार दिग्दर्शित ‘जवान’ हा मल्टिस्टारर चित्रपट असणार आहे. शाहरुख खान, नयनतारा, विजय सेतुपती, दीपिका पदुकोण, रिद्धी डोगरा, सान्या मल्होत्रा यांच्यासह अनेक कलाकार या चित्रपटात महत्त्वाच्या भूमिकेत दिसणार आहेत.
