Ira Khan Wedding Update: बॉलिवूड अभिनेता आमिर खान याची मुलगी आयरा खान उद्या म्हणजेच ३ जानेवारी रोजी लग्न बंधनात अडकणार आहे. आयरा खान हिच्या लग्न विधींना आता सुरुवात झाली आहे. आयरा खानच्या लग्नाच्या निमित्ताने आता आमिर खानच्या घरी जय्यत तयारी सुरू झाली आहे. आयरा खानच्या लग्नाच्या निमित्ताने आमिर खानच्या दोन्ही माजी पत्नी सजून धजून लग्नाची तयारी करताना दिसल्या आहेत. रीना दत्ता आणि किरण राव दोघीही आमिर खान याच्या घरी पोहोचल्या आहेत. यावेळी दोघींच्या लूकने सगळ्यांचं लक्ष वेधून घेतलं होतं. दोघीही यावेळी नऊवारी साडी नेसून मराठमोळ्या अंदाजात लेकीच्या लग्नासाठी सज्ज झालेल्या दिसल्या.
