परीक्षेच्या प्रवेशपत्रामध्ये विद्यार्थ्यांनी निवडलेल्या विषय आणि परीक्षेच्या माध्यमात काही बदल असल्यास त्यांच्या दुरुस्त्या उच्च माध्यमिक शाळा/ कनिष्ठ महाविद्यालयांनी विभागीय मंडळात जाऊन करुन घ्यायाच्या आहेत. प्रवेशपत्रावरील फोटो, स्वाक्षरी, विद्यार्थ्याचे नाव या संदर्भातील दुरुस्त्या उच्च माध्यमिक शाळा/कनिष्ठ महाविद्यालयांनी त्यांच्या स्तरावर करुन त्यांची एक प्रत विभागीय मंडळाकडे त्वरीत पाठवण्याचे निर्देश दिले आहेत. विद्यार्थ्यांच्या प्रवेशपत्रावर फोटो सदोष असल्यास त्यावर विद्यार्थ्याचा दुसरा फोटो चिकटवून संबंधित मुख्याध्यापक /प्राचार्य यांनी शिक्का मारून स्वाक्षरी कराले. तसेच प्रवेशपत्र विद्यार्थ्यांकडून गहाळ झाल्यास संबंधित उच्च माध्यमिक शाळा/कनिष्ठ महाविद्यालयांकडून पुन्हा प्रिंट काढून त्यावर लाल शाईने व्दितीय प्रत असा शेरा देऊन विद्यार्थ्याला दिले जाईल.
