गुजरात विद्यापीठातील परदेशी विद्यार्थ्यांच्या वसतिगृहावर सशस्त्र जमावाने हल्ला केला. या घटनेत किमान पाच जण जखमी झाले आहेत.
गुजरात मधून एक मोठी बातमी समोर येत आहे. गुजरात विद्यापीठातील वसतिगृहात शनिवारी रात्री जमावाने परदेशी विद्यार्थ्यांवर हल्ला केला. आफ्रिकन देश, अफगाणिस्तान आणि उझबेकिस्तानमधील विद्यार्थी नमाज पठण करत असताना जमावाने त्यांच्यावर हल्ला (Foreign students attacked in Gujarat University) केला. काठ्या आणि चाकूने सज्ज झालेल्या जमावाने परदेशी विद्यार्थ्यांना बेदम मारहाण केली. या हल्ल्यात किमान पाच परदेशी विद्यार्थी जखमी झाले आहेत. राज्याचे गृहमंत्री हर्ष संघवी म्हणाले की, लवकरच आरोपींना अटक करून या प्रकरणाची निष्पक्ष चौकशी केली जाईल.
हे सुद्धा वाचा
नेमका प्रकार काय
विद्यार्थ्यांनी सांगितले की, अहमदाबाद येथील कॅम्पसमध्ये एकही मशीद नाही. त्यामुळे ते वसतिगृहात एका ठिकाणी रमजानमध्ये रात्री अदा करण्यात येणारी तरावीह नमाज अदा करण्यासाठी जमले होते. दरम्यान, काठ्या आणि चाकूने सज्ज झालेल्या जमावाने त्यांच्यावर अचानक हल्ला केला. जमावाने त्यांच्यावर हल्ला करत खोल्यांची तोडफोड केली. वसतिगृहाच्या सुरक्षा रक्षकांनी त्या लोकांना रोखण्याचा प्रयत्न केला पण त्यांची संख्या जास्त असल्याने ते शक्य झाले नाही.
