मिळालेल्या माहितीनुसार, धुळे शहरातील जुन्या महापालिकेच्या इमारतीशेजारी असलेल्या प्रबोधनकार ठाकरे संकुलात शनिवारी रात्री उशीरा आग लागली. संकुलातील प्रियांका स्पोर्ट्स या दुकानातून धुराचे लोट निघत असल्याचं समजातच स्थानिक नागरिकांनी तातडीने घटनास्थळी धाव घेत आग विझवण्याचे प्रयत्न सुरू केले. त्यानंतर या घटनेची माहिती पोलिसांना देण्यात आली. घटनेच्या काही वेळातच अग्निशमन दलाच्या गाड्या घटनास्थळी दाखल झाल्यानंतर अर्ध्या तासातच आगीवर नियंत्रण मिळवण्यात आलं. या घटनेत कुणालाही गंभीर इजा झालेली नसून प्रियांका स्पोर्ट्स या दुकानातील लाखो रुपयांचं साहित्य जळून खाक झालं आहे.
