एलपीजी सिलिंडरचा स्फोटात एकाच कुटुंबातील चौघांचा मृत्यू
दिल्लीतील फर्श बाजार मध्ये एलपीजी सिलिंडरचा स्फोट होऊन चौघांचा मृत्यू झाला आहे. दिल्ली अग्निशमन दलाचे संचालक अतुल गर्ग यांनी सांगितले की, स्फोटामुळे लागलेली आग आटोक्यात आणण्यासाठी अग्निशमन दलाच्या नऊ गाड्यांना सुमारे एक तास लागला. पाच जणांना तातडीने रुग्णालयात दाखल केले. त्यापैकी चौघांना मृत घोषित करण्यात आले. कुटुंबातील एक जण भाजला आहे. मुन्नी देवी (४५), त्यांची मुले नरेश (२२), ओम प्रकाश (२०) आणि मुलगी सुमन (१८) अशी मृतांची नावे आहेत. यात त्यांचा नातेवाईक लाल चंद (२९) २५ टक्के भाजला आहे.
