फलटण | साहस Times प्रतिनिधी :- सातारा जिल्हा काँग्रेस कमिटीचे नवनियुक्त अध्यक्ष रणजितसिंह देशमुख यांच्या अध्यक्षतेखाली फलटण तालुका व शहर काँग्रेस कमिटीची आढावा बैठक आज उत्साहात पार पडली. बैठकीत काँग्रेसच्या संघटनात्मक मजबुतीवर भर देत आगामी निवडणुकांची रणनीती ठरवण्यात आली.
कार्यक्रमाच्या सुरुवातीस तालुका काँग्रेस कमिटीचे अध्यक्ष महेंद्र (भैय्या) सूर्यवंशी बेडके व शहर काँग्रेस अध्यक्ष पंकज पवार यांच्या उपस्थितीत नवनियुक्त जिल्हाध्यक्ष रणजित भैय्यांचा तालुका व शहर काँग्रेसतर्फे सत्कार करण्यात आला.
या बैठकीत हणमंत लोंढे (बरड) आणि दशरथ जाधव (ढवळ) यांनी काँग्रेसमध्ये अधिकृत प्रवेश केला. जिल्हाध्यक्ष श्री. देशमुख यांनी त्यांचे स्वागत करून त्यांना पक्षकार्याची दिशा दिली.
तालुका काँग्रेस अध्यक्ष सूर्यवंशी यांनी फलटण तालुक्यातील जनतेसाठी शासकीय पातळीवर काँग्रेसतर्फे सातत्याने होत असलेल्या पाठपुराव्याची माहिती दिली. ते म्हणाले की, “आगामी निवडणुकांमध्ये काँग्रेस सर्व जागा ताकदीनिशी लढवणार आहे.”
जिल्हाध्यक्ष रणजितसिंह देशमुख यांनी उपस्थित पदाधिकाऱ्यांना उद्देशून सांगितले की, “आपण जिल्ह्याभरात दौरे करत असून जुने-नवे कार्यकर्ते एकत्र आणून काँग्रेसला पुन्हा गतवैभव प्राप्त करून देणार आहोत. जनतेच्या प्रश्नांसाठी आता रस्त्यावर उतरून लढण्याची वेळ आली आहे.” त्यांनी फलटण काँग्रेस कार्यकर्त्यांना पूर्ण पाठिंबा देण्याचे आश्वासन दिले.
या बैठकीस जिल्हा सरचिटणीस शंकरराव लोखंडे, सुनील नेटके, युवक काँग्रेस शहराध्यक्ष प्रीतम जगदाळे, अल्पसंख्यांक विभागाचे अध्यक्ष ताजुद्दीन बागवान, शहराध्यक्ष अल्ताफ पठाण, सेवा दलाचे जिल्हा उपाध्यक्ष राजेंद्र खलाटे, युवक काँग्रेसचे सरचिटणीस गंगाराम रणदिवे, ओबीसी सेलचे शहराध्यक्ष विकास ननवरे यांच्यासह काँग्रेसचे अनेक पदाधिकारी उपस्थित होते.
यामध्ये मनोहर गायकवाड, बाल मुकुंद भट्टड, अमरसिंह बेडके, निळकंठ निंबाळकर, आर. पी. भोसले, अच्युत माने, सोहराब खान, अभिजीत जगताप, हरीश बेडके, अमित फाळके, चैतन्य पवार, खान मिटकरी, अजय बेडके, दिलीप आवारे, यजुवेंद्र घोरपडे, अतुल कोकणे, भारत अहीवळे, अजय इंगळे, अभिलाष शिंदे, सुधीर शिंदे, धनंजय गोरे, प्रवीण अडसूळ, संतोष बोबडे, संतोष बाचल यांचा देखील सहभाग होता.
कार्यक्रमाचे सूत्रसंचालन शहर काँग्रेस अध्यक्ष पंकज पवार यांनी केले, तर युवक काँग्रेस शहराध्यक्ष प्रीतम जगदाळे यांनी आभार मानले.
