Bigg Boss 18 : विवियन आणि अविनाशवर एलिमिनेशची टांगती तलवार; ‘या’ आठवड्यात कोण होणार घराबाहेर?

Bigg Boss 18 : लोकप्रिय रियॅलिटी टीव्ही शो ‘बिग बॉस १८’चा प्रवास जसजसा पुढे सरकत आहे, तसतसा अॅक्शन आणि ड्रामा वाढत चालला आहे. काही स्पर्धकांमध्ये आता दुरावा निर्माण होऊ लागला आहे. तर, काही स्पर्धक मजेशीर घटकांच्या मदतीने खेळात पुढे जाण्याचा प्रयत्न करत आहेत. गेल्या दोन आठवड्यात दोन स्पर्धक बेघर झाले असून, आता तिसऱ्या आठवड्यात कोण घराबाहेर जाणार, हे पाहणे औत्सुक्याचे ठरणार आहे. सलमान खान होस्ट करत असलेल्या रियॅलिटी टीव्ही शो ‘बिग बॉस १८’चा तिसरा आठवडा आता संपत आला आहे. लवकरच आता या घरातून आणखी एक स्पर्धक बाहेर पडणार आहे.