बॉलिवूड स्टार्सचा सिंपल लूक आणि स्टाईल क्वचितच पाहायला मिळते. पण, सोशल मीडियावर दिसलेल्या अरिजित सिंहच्या लूकने लोकांची मने जिंकली आहेत. या व्हिडीओमध्ये अरिजित सिंह पायात चप्पल, हातात बॅग घेऊन आणि साध्या कपड्यांमध्ये स्कूटी चालवत बाजारात जाताना दिसत आहे. अरिजित सिंहचा हा व्हिडीओ पश्चिम बंगालमधील त्याच्या मूळ गावचा अर्थात मुर्शिदाबादचा आहे. या व्हिडीओमध्ये तो इतक्या साध्या लूकमध्ये दिसत आहे की, त्याला एका नजरेत ओळखणे तुम्हाला कठीण जाईल.
