फलटण | १४ एप्रिल २०२५ —समतेचा संदेश देणाऱ्या आणि भारतीय लोकशाहीचे शिल्पकार असलेल्या भारतरत्न डॉ. बाबासाहेब आंबेडकर यांच्या १३४ व्या जयंतीनिमित्त फलटण शहरातील आंबेडकर चौकात अभिवादनाचा सोहळा मोठ्या उत्साहात पार पडला. या निमित्ताने डॉ. आंबेडकर यांच्या पुतळ्यास पुष्पहार अर्पण करून त्यांना अभिवादन करण्यात आले.
या कार्यक्रमात आमदार मा. दीपकराव चव्हाण व जिल्हा परिषदेचे अध्यक्ष श्रीमंत संजीवराजे नाईक निंबाळकर यांनी विशेष उपस्थिती लावून डॉ. बाबासाहेब आंबेडकर यांना मानवंदना दिली. यावेळी नगरसेवक सनी अहिवळे, श्रीराम कारखान्याचे संचालक महादेवराव माने, दादासाहेब चोरमले, अनिल शिरतोडे, रामभाऊ मदने, अय्याज शेख, हरिष काकडे, संग्राम अहिवळे, लक्ष्मण काकडे, गणेश बिर्‍हाडे, रोहित विलास अहिवळे, दत्तात्रय मोहिते आणि पत्रकार प्रशांत अहिवळे आदी मान्यवरांची उपस्थिती होती.
या वेळी ‘भारतरत्न डॉ. बाबासाहेब आंबेडकर जयंती महोत्सव समिती, फलटण’चे पदाधिकारी व नागरिक मोठ्या संख्येने सहभागी झाले होते. या कार्यक्रमाद्वारे डॉ. आंबेडकरांच्या विचारांचा जागर घडवण्यात आला.
