Allu Arjun Insulted Police : ‘पुष्पा २’ या चित्रपटाच्या प्रदर्शनानंतर अल्लू अर्जुनला जेवढे यश मिळाले आहे, तेवढाच तो वादातही अडकत आहे. आता या अभिनेत्याविरोधात नवी तक्रार दाखल करण्यात आली आहे. काँग्रेस नेते तिनमार मल्लना यांनी ‘पुष्पा २ : द रूल’ या चित्रपटामध्ये अल्लू अर्जुनने पोलिसांचा अपमान केल्याचा आरोप केला आहे. या चित्रपटातील एका सीनमध्ये स्विमिंग पूलमध्ये एक पोलीस अधिकारी स्वीमिंग करताना दिसत आहे, तर त्याच स्विमिंग पूलमध्ये अल्लूची व्यक्तिरेखा पुष्पा राज लघवी करताना दाखवला आहे. या दृश्यावर आता प्रश्न चिन्ह उपस्थित केले जात आहेत.
