आपल्या दमदार अभिनयच्या जोरावर बॉलिवूडमध्ये अनेक सुपरहिट चित्रपट देणारा आमिर खान सध्या ब्रेकवर आहे. २०२२मध्ये प्रदर्शित झालेला ‘लाल सिंह चढ्ढा’ हा त्याचा चित्रपट सुपरफ्लॉप ठरला होता. त्याचा हा चित्रपट बिग बजेट होता. मात्र, तो बजेट देखील वसूल करू शकला नाही. यापूर्वी आमिर खानचा ‘ठग्स ऑफ हिंदोस्तान’ हा चित्रपटही काही खास कामगिरी करू शकला नव्हता. अमिताभ बच्चन, आमिर खान, कतरिना कैफसह अनेक दिग्गज कलाकारांची भरणा असलेला हा चित्रपट लोकांना फारसा आवडला नव्हता.
