फलटण : The Buddhist Society of India शाखा फलटणचे सदस्य व पदाधिकारी आयु. पल्लवी व आयु. संग्रह भीमराव कांबळे यांच्या घरी नवजात कन्येच्या आगमनानिमित्त धम्ममय वातावरणात छोटेखानी कार्यक्रम संपन्न झाला.
कन्येच्या आगमनाचा आनंद साजरा करताना परसबागेत बोधिवृक्षाचे रोपण करून वंदन करण्यात आले. बोधिवृक्षाच्या साक्षीने नवजीवनाचे स्वागत करण्याची ही प्रेरणादायी परंपरा यावेळी जपण्यात आली.
या प्रसंगी संस्थेचे माजी जिल्हा संघटक आयु. दादासाहेब दाजी कांबळे (वेळोशी, ता. फलटण) यांनी बुद्धपूजा घेत उपस्थितांना धम्मदेसना दिली. त्यांनी आपल्या मार्गदर्शनातून करुणा, मैत्री व समतेच्या मूल्यांनुसार जीवन जगण्याचा संदेश दिला.
कार्यक्रमाला नातेवाईक, मित्रपरिवार तसेच धम्मबंधू-भगिनी मोठ्या संख्येने उपस्थित होते. नवजात कन्येला सर्वांनी शुभेच्छा देत तिच्या उज्ज्वल भविष्यासाठी मंगलकामना व्यक्त केल्या.
