सातारा : जिल्ह्यासाठी रविवार हा अपघात वार (Satara Accident) ठरल्याचं दिसून आलं. वेगवेगळ्या तीन ठिकाणी झालेल्या अपघातात चार जणांना जागीच जीव गमवावा लागला आहे. यापैकी पुणे बेंगलोर राष्ट्रीय महामार्गावर दोन अपघात झाले तर तिसरा अपघात सातारा बस स्टँड समोर झाला. या अपघातात दोन महिला आणि दोन पुरुषांचा मृत्यू झाला आहे. तर इतर दोन जण जखमी आहेत.
कारमधील 2 महिला जागीच ठार तर 2 जण गंभीर जखमी
पुणे बेंगलोर राष्ट्रीय महामार्गावर पाचवड गावाच्या हद्दीत बंद पडलेल्या कंटेनरला साताऱ्याहून पुण्याच्या दिशेने निघालेल्या भरधाव कारने जोरदार धडक दिली. त्यामध्ये कार मधील दोन महिलांचा जागीच मृत्यू झाला.
ट्रकच्या धडकेत एक युवकाचा जागीच मृत्यू
दुसऱ्या एका अपघातात राष्ट्रीय महामार्ग पुणे बेंगलोर येथील शेंद्रे गावच्या हद्दीत ट्रकने दुचाकीला धडक दिली. या अपघातात एका युवकाचा जागीच मृत्यू झाला तर एक जण गंभीर जखमी आहे. त्याच्यावर रुग्णालयात उपचार सुरू आहेत.
ट्रकच्या मागच्या चाकाखाली चिरडून युवकाचा जागीच मृत्यू
सातारा बस स्टँडच्या समोर झालेल्या भीषण अपघातात एक मोटरसायकल स्वार ट्रकच्या मागच्या चाकाखाली येऊन चिरडला. युवकाला दुसऱ्या गाडीचा धक्का लागल्याने तो ट्रकच्या मागच्या चाकाखाली चिरडून त्याचा दुर्दैवी मृत्यू झाल्याची घटना घडली.
वाळूच्या भरधाव टिप्परनं तिघांना चिरडलं
वाळूची वाहतूक करणाऱ्या भरधाव टिप्परनं 6 मार्च रोजी संध्याकाळच्या सुमारास दुचाकीवरून जाणाऱ्या तिघांना चिरडल्याची घटना घडली होती. या भीषण अपघातात 8 वर्षीय एकता सेलोकर या चिमुकलीचा घटनास्थळीचं मृत्यू झाला. तर तिचे वडील विजय सेलोकर (45) आणि अन्य एक 10 वर्षीय चिमुरडा वीर मारवाडे असे दोघे गंभीर जखमी झालेत.
संतप्त ग्रामस्थांनी महामार्ग रोखून धरला
या प्रकरणातील दोन्ही गंभीर जखमींना नागपूरच्या रुग्णालयात उपचारासाठी दाखल करण्यात आलं. ही घटना भंडाऱ्याच्या वरठी येथील रेल्वेच्या उड्डाण पुलावर गुरुवारी संध्याकाळी 7 वाजताच्या सुमारास घडली. परिणामी, या घटनेच्या निषेधार्थ आणि वाळूची वाहतूक बंद करावी, या मागणीला घेवून संतप्त ग्रामस्थांनी महामार्ग रोखून धरला आहे. जोपर्यंत मागण्या मान्य होत नाही तो पर्यंत आम्ही मागे हटणार नाही, असा आक्रमक पवित्रा घेत ग्रामस्थांनी हा महामार्ग रोखून धरला होता.
ही बातमी वाचा:
अधिक पाहा..
