[ad_1]
Crime News : पुण्यातील स्वारगेट इथं झालेल्या बलात्कार प्रकरणानं महाराष्ट्र हादरला असतानाच आता संपूर्ण देशालासुद्धा हादरा देणारी एक खळबळजनक घटना पुन्हा एकदा समोर आली आहे. ही घटना छत्तीसगढमधील असून, इथं बिलासपूर जिल्ह्यात पाच वर्षीय चिमुकलीवर 13 वर्षीय मुलानं बलात्कार केल्याची घटना घडली आणि साऱ्यांच्याच पायाखालची जमीन सरकली.
पोलिसांनी दिलेल्या माहितीनुसार बिलासपूर जिल्ह्यातील सरकंडा पोलीस ठाणे क्षेत्रात एका निर्माणाधीन गृहसंकुलामध्ये या लहान मुलीवर बलात्काराचा प्रयत्न आणि त्यानंतर तिची हत्या करण्यात आल्याची हादरवणारी घटना घडली. सजर प्रकरणी पोलिसांनी एका अल्पवयीन मुलाला ताब्यात घेतलं आहे.
बिलासपूर जिल्ह्यातील पोलीस अधिक्षक (एसपी) रजनेश सिंह यांनी दिलेल्या माहितीनुसार, सर्वप्रथम पोलिसांना सरकंडा क्षेत्रातील एका निर्माणाधीन गृहसंकुलामध्ये सोमवारी एक लहान मुलगी बेपत्ता असल्याची माहिती मिळाली. या मुलीचा मृतदेह या निर्माणाधीन प्रकल्पातील एका घरात आढळला. सदर घटनेची माहिती मिळताच पोलीस दल घटनास्थळी दाखल झाले आणि तिथं हा मृतदेह आढळताच पोलिसांनाही हादरा बसला. मृतदेहावर डोक्यासह इतर अवयवांवर गंभीर दुखापत झाल्याचं पाहताक्षणी लक्षात आलं.
घटना घडलेल्या या भागामध्ये अनेक घरं निर्माणाधीन असून, तिथं मोठ्या संख्येनं महिला आणि पुरुष मजूर त्यांच्या मुलांसह वास्तव्यास असल्याचं सांगितलं जातं. हत्या झालेल्या चिमुकलीचे आईवडिलही मजूर असून, तिथंच मजुरांसाठीच्या घरांमध्ये ते वास्तव्यास होते.
अश्लील व्हिडीओ पाहून….
पोलीस अधिकाऱ्यांच्या माहितीनुसार आरोपीसुद्धा याच भागात राहणारा असून, CCTV व्हिडीओतून समोर आलेल्या दृश्यांनुसार तो या लहान मुलीला आपल्यासोबत नेताना दिसला. पोलिसांनी ताब्यात घेतल्यानंतर अल्पवयीन आरोपीनं गुन्हा कबुल केला असून, आपण अश्लील व्हिडीओ पाहत असल्याची माहितीसुद्धा त्यानंच दिली. सायंकाळी जेव्हा मुलगी एकटीच खेळत असल्याचं त्यानं पाहिलं तेव्हा तो तिला एका बांधकामाधीन घरामध्ये घेऊन गेला आणि तिच्यावर अत्याचार करण्याचे प्रयत्न केले. जेव्हा मुलीनं याचा विरोध करण्याचा प्रयत्न केला तेव्हा या मुलानं तिला लाकडानं मारून तिथंच संपवलं, अशी माहिती पोलिसांनी दिली.
सदर घटनेनंतर या भागात एकच खळबळ माजली असून, पोलिसांच्या ताब्यातील आरोपी अल्पवयीन असल्या कारणानं त्याच्यावर बाल कल्याण कायद्यांतर्गत कारवाई केली जात असून, पुढे त्याला किशोर न्याय बोर्डासमोर हजर केलं जाणार असल्याचं सांगण्यात येत आहे.
[ad_2]
Source link
