बारामती :- बारामती वकील संघटनेच्या न्यायालय नवीन इमारतीच्या मागणीला अवघ्या पाच आठवड्यात मान्यता मिळाली असून, उपमुख्यमंत्री अजित पवार यांच्या तत्परतेमुळे तब्बल ७२ कोटी रुपयांच्या नऊ मजली न्यायालय इमारतीला मंजुरी मिळाली आहे.
११ जानेवारी २०२५ रोजी, Imperial Lawns येथे उद्घाटनासाठी आलेल्या उपमुख्यमंत्री अजित पवार यांना बारामती वकील संघटनेचे अध्यक्ष अॅड. प्रभाकर बर्डे यांनी न्यायालय नवीन इमारतीच्या मंजुरीसाठी निवेदन दिले होते. बारामतीमध्ये जिल्हा व सत्र न्यायालय स्थलांतरित होत असल्याने, लेबर कोर्ट, सहकार न्यायालय व इतर न्यायाधिकरणांची आवश्यकता असल्याचे नमूद करण्यात आले होते.
या मागणीला अजितदादांनी तत्काळ प्रतिसाद देत, केवळ चार दिवसांत प्रपोजल मंत्रालयात पोहोचवले आणि १८ फेब्रुवारी २०२५ रोजी ७२ कोटींच्या नवीन इमारतीला मंजुरी मिळवून दिली.
बारामती वकील संघटनेच्या वतीने उपमुख्यमंत्री अजित पवार यांचे मनःपूर्वक आभार!
