डोनाल्ड ट्रम्प यांनी अमेरिकेचे नवे राष्ट्राध्यक्ष म्हणून शपथ घेतली. अमेरिकेचे ४७ वे राष्ट्राध्यक्ष म्हणून त्यांनी एका भव्य समारंभात शपथ घेतली. शपथ घेतल्यानंतर पहिल्याच भाषणात ट्रम्प यांनी ‘अमेरिका फर्स्ट’ धोरणाचा अवलंब करणार असल्याचे स्पष्ट केले. ते म्हणाले की, त्यांना जगभरातील “शांततादूत” आणि “एकसंध” बनवणारा नेता बनायचे आहे. मला शांततेचा दूत मानावे, आम्हाला जगात शांतता हवी आहे. त्याचबरोबर अमेरिकेत भक्कम सैन्य उभं करायचं आहे, पण अमेरिकन सैनिक इतरांच्या युद्धात जाणार नाहीत, असंही ते म्हणाले. मात्र, युक्रेन युद्धाचा त्यांनी कोणताही उल्लेख केला नाही.
