बॉलिवूडमधील सर्वांचे आवडते आणि लाडके कपल म्हणून अभिनेता शाहरुख खान आणि गौरी खान ओळखली जाते. या कपलची लव्हस्टोरी देखील सर्वांना माहिती आहे. गौरी छिब्बर ही धर्माने मुस्लीम असलेला शाहरुख खानच्या प्रेमात पडली. कुटुंबीयांचा विरोध असतानाही दोघांनी लग्न केले. अनेक आव्हानांचा सामना करत शाहरुख खानने प्रचंड मेहनत करत शेवटी पत्नी आणि मुलांना असे आयुष्य दिले आहे जे एखादा पुरुष आपल्या कुटुंबीयांना देण्यासाठी धडपड करत असतो. शाहरुख खानच्या घरातही ईद साजरी केली जाते आणि दिवाळीही, त्याचे घर मन्नत धार्मिक ऐक्याचे प्रतीक मानले जाते. सध्या सोशल मीडियावर गौरीचे काही फोटो व्हायरल झाले आहेत. या फोटोंमध्ये तिने हिजाब घातल्यामुळे धर्मांतर केल्याची चर्चा रंगली आहे.
