हरियाणातील कुरुक्षेत्र येथे एकाच कुटूंबातील चार जणांच्या हत्या प्रकरणात मोठा ट्विस्ट आला आहे. कुरुक्षेत्रातील यारा गावात काही दिवसांपूर्वी एकाच कुटुंबातील जार जणांचे मृतदेह सापडल्याने खळबळ माजली होती. घरात शिरुन कोणीतरी या चौघांची हत्या केल्याचा संशय होता. परंतु पोलीस तपासात धक्कादायक माहिती समोर आली आहे. ४० वर्षीय आरोपीने आधी वडिलांची गळा चिरून हत्या केली, मग आईचा गळा दाबला, पत्नीला विष प्यायला दिले आणि त्यानंतर स्वत: आत्महत्या केली. या आरोपीने त्याच्या मुलावरही हल्ला केला होता परंतु तो थोडक्यात बचावला आहे. चार ही मृतदेहांवर अंत्यसंस्कार करण्यात आले आहेत.
