पुण्यात गेल्या काही दिवसांपासून गुन्हेगारी घटनांमध्ये वाढ झाल्याचे दिसून येत आहे. हिंजवडीतील एका उच्चभ्रू सोसायटीमध्ये ८५ वर्षांच्या महिलेवर २३ वर्षीय नराधमाने बलात्कार केल्याची घटना ताजी असतानाच आता सामूहिक बलात्काराच्या घटनेने पुणे पुन्हा हादरलं आहे. एका महाविद्यालयीन तरुणीवर चार जणांनी अत्याचार केल्याची घटना घडली आहे. सोशल मीडियावरून झालेल्या ओळखीतून आरोपींनी मुलीला भेटायला बोलावले होते. त्यावेळी चौघांनी तिच्यावर अत्याचार केला.
