नरेंद्र मोदींच्या दौऱ्याला महाविकास आघाडीचा विरोध; संभाजीनगर विमानतळावरून अंबादास दानवेंना घेतलं ताब्यात

Maha Vikas Aghadi: पंतप्रधान नरेंद्र मोदींच्या महाराष्ट्र दौऱ्याला महाविकास आघाडीकडून विरोध दर्शवण्यात आला. देशातील महिलांवरील वाढत्या अत्याचाराच्या घटनांवरून विमानतळाबाहेर महाराष्ट्र विधान परिषदेचे विरोधी पक्षनेते अंबादास दानवे यांच्या नेतृत्वाखाली महाविकास आघाडीतील नेत्यांनी काळे कपडे घालून हातात बॅनर घेऊन निषेध नोंदवला. अंबादास दानवे कार्यकर्त्यांना छत्रपती संभाजीनगर विमानतळाच्या दिशेने निघाले. मात्र, अंबादास यांच्यासह काही कार्यकर्त्यांना पोलिसांनी ताब्यात घेतले आहे.