प्रिया किडनॅप होणार?
किल्लेदारांच्या घरी परतलेली त्यांची तन्वी अर्थात प्रिया आता किडनॅप होणार आहे. सुभेदारांच्या घरातून परतलेल्या प्रियाला सतत कोणीतरी आपला पाठलाग करत आहे, असा भास होतच होता. या रूममध्ये आपल्याशिवाय कोणीतरी आहे, ते शोधत असतानाच एक अज्ञात व्यक्ती पाठीमागून येऊन प्रियाच्या तोंडावर रुमाल ठेवून, तिला बेशुद्ध करून तिथून घेऊन जाणार आहे. दुसरीकडे, प्रियाची काकी आता तिला शोधण्यासाठी रूममध्ये येणार आहे. मात्र, प्रिया कुठेच दिसत नसल्याने आता घाबरलेली काकी खाली जाऊन सगळ्यांना प्रिया घरात कुठेच दिसत नाहीये, असं सांगणार आहे. त्यामुळे रविराज किल्लेदारांसह नागराजला देखील धक्का बसणार आहे.
