मुंबई: ईस्टर्न फ्रीवेवर कारला आग
ईस्टर्न फ्रीवेवर मंगळवारी सकाळी एका कारला आग लागली. त्यानंतर तासाभराहून अधिक काळ वाहनधारक अडकल्याने वाहतुकीची मोठी रांग लागली होती. पोलिसांनी दिलेल्या माहितीनुसार, पुण्याहून मुंबईकडे निघालेली व्होल्वो एसयूव्ही कार फ्रीवेच्या शिवडी भागात येताच कारने पेट घेतला. वाहन चालकाने पोलिसांना दिलेल्या माहितीनुसार, कारने पेट घेण्यापूर्वी आपोआप तिचा वेग कमी झाला. काही सेकंदानंतर कारच्या बोनेटमधून धूर येऊ लागला. त्यानंतर तो ताबडतोब कारमधून बाहेर पडला. मात्र, त्यानंतर काही क्षणातच कारने पेट घेतला. आगीची घटनेनंतर अग्निशमन दलाच्या दोन गाड्या घटनास्थळी दाखल झाल्या. मात्र, तोपर्यंत कार जळून खाक झाली होती. जळालेली कार शिवडी पोलिस स्टेशनला पाठवण्यात आली. नंतर आगीचे कारण शोधण्यासाठी आरटीओ अधिकाऱ्यांकडून त्याची तपासणी केली जात आहे. या घटनेत कोणतीही जीवितहानी झाली नसल्यामुळे पोलिसांनी औपचारिक तक्रार नोंदवली नाही. याप्रकरणी शिवडी पोलिसांत नोंद करण्यात आली.
