असा असेल मेगा ब्लॉक; काही लोकल रद्द तर काही धावणार धीम्या गतीने
मध्य रेल्वे : माटुंगा-मुलुंड अप आणि डाऊन धीम्या मार्गावर सकाळी ११ ते दुपारी ३.५५ वाजेपर्यंत हा मेगाब्लॉक घेतला जाणार आहे. या ब्लॉक काळात छत्रपती शिवाजी महाराज टर्मिनस मुंबई येथून सकाळी १०.१४ ते दुपारी ३.१८ दरम्यान सुटणाऱ्या गाड्या या धिम्या मार्गावरील माटुंगा व मुलुंड स्थानकांदरम्यान शीव, कुर्ला, घाटकोपर, विक्रोळी, भांडुप व मुलुंड स्थानकांदरम्यान थांबवल्या जाणार आहेत. तर डाऊन जलद मार्गावर काही गाड्या वळवण्यात येणार आहे. त्यामुळे तब्बल १५ मिनिटे उशीरा या मार्गावरील गाड्या धावणार आहेत. तर ठण्यातून सकाळी ११ ते दुपारी ४ च्या दरम्यान सोडण्यात येणाऱ्या लोकल मुलुंड येथे अप जलद मार्गावर वळवण्यात येणार असून या गाड्या पुढे मुलुंड, भांडुप, विक्रोळी, घाटकोपर, कुर्ला आणि शीव दरम्यान मुलुंड व माटुंगा स्थानकांदरम्यान थांबवल्या जाणार असून त्या धीम्या मार्गावर वळवण्यात येणार आहेत. या गाड्या देखील १५ मिनिटे उशिरा धावणार आहेत. तर छत्रपती शिवाजी महाराज टर्मिनस मुंबई येथून सकाळी ११ ते ५ दरम्यान, सुटणाऱ्या आणि या ठिकाणी येणाऱ्या सर्व अप व डाउन लोकल या देखील १५ मिनिटे उशिरा धावणार आहेत.
