[ad_1]
आगामी लोकसभा निवडणूकीमध्ये सीमा हैदर प्रचारकाची भूमिका निभावणार आहे.
मथुरा : प्रेमप्रकरणामुळे देशभरामध्ये गाजलेली सीमा हैदर (Seema Haider) ही पुन्हा एकदा चर्चेचे कारण बनली आहे. सोशल मीडियावर तुफान प्रसिद्ध झालेली सीमा ही मुळची पाकिस्तानची (Pakistan) आहे. प्रेमप्रकरणामुळे पाकिस्तानातून नेपाळमध्ये (Nepal) आणि नंतर भारतात आपल्या मुलांसह आलेली सीमा हैदरबाबत आणखी एक बाब समोर आली आहे. आगामी लोकसभा निवडणूकीमध्ये (Lok Sabha elections 2024) सीमा हैदर प्रचारकाची भूमिका निभावणार आहे.
मूळ पाकिस्तानच्या असणाऱ्या सीमा हैदर ही निवडणूक लढवण्यासाठी उत्सुक असल्याची चर्चा यापूर्वी होत होती. काही पक्षांनी देखील तिला ऑफर दिल्या होत्या. आता मात्र निवडणूकांसाठी ती प्रचार करणार असल्याचे समोर येत आहे. काही दिवसांपूर्वी राम मंदिर उद्घाटन सोहळ्याचा देखील सीमा हैदर हिने प्रचार केला होता. भगव्या वस्त्रांमध्ये प्रभू रामांचे जयघोष करताना सीमा हैदर दिसून आली होती. यापुढे ती लोकसभेचा प्रचार करताना दिसणार आहे.
[ad_2]
Source link
