काँग्रेसच्या स्थापना दिवसाच्या निमित्ताने नागपुरात काँग्रेस महासभेचं आयोजन करण्यात आलं होतं. या सभेत काँग्रेस अध्यक्ष मल्लिकार्जुन खर्गे व राहुल गांधी यांनी पंतप्रधान नरेंद्र मोदी यांच्यावर जोरदार हल्ला चढवला. अयोध्येत मोठ्या धूमधडाक्यात सुरू असलेल्या राम मंदिर सोहळ्यावरूनही खर्गे यांनी मोदींवर निशाणा साधला आहे. देशात महागाई, बेरोजगारी असे लोकांचे अनेक प्रश्न आहेत. मात्र मोदी लोकांच्या जीवनाशी संबंधित सर्व प्रश्न सोडून देवाचा मुद्दा घेऊन तुमच्यासमोर येतील, मात्र तुम्ही याला भुलू नका. देशाला वाचवण्यासाठी संविधानच आवश्यक असल्याचं खर्गे म्हणाले.
