आपला सहज अभिनय, मितभाषी आणि उमदे व्यक्तिमत्व, उर्दू-हिंदीसह अनेक भाषांवर असलेले प्रभुत्व अशा नाना कलागुणांच्या जोरावर हिंदी चित्रपटसृष्टीचा सुवर्ण इतिहास घडवणारा अभिनयाचा बेताज बादशाह म्हणजे दिलीप कुमार. ते इंडस्ट्रीमध्ये ‘ट्रॅजेडी किंग’ म्हणून ओळखले जात होते. आज जरी ते देहरुपाने आपल्यात नसले, तरी त्यांचे चित्रपट आणि अभिनयाच्या माध्यमातून ते प्रेक्षकांच्या मनात अजरामर ठरले आहेत. दिलीप कुमार यांचा आज १०१वा वाढदिवस. त्यानिमित्ताने आपण त्यांच्याविषयी काही खास गोष्टी जाणून घेणार आहोत.
