[ad_1]
योगायोगाने यंदाच्या वर्षी दोघी बहिणी एकाच वाहिनीच्या दोन वेगवेगळ्या मालिका गाजवत आहेत. तितिक्षा तावडे हिची ‘सातव्या मुलीची सातवी मुलगी’ ही मालिका प्रचंड गाजत आहे. तर, खुशबू तावडे हिची ‘सारं काही तिच्यासाठी’ ही मालिका नव्यानेच सुरू झाली आहे. या मालिकेत देखील दोन बहिणींची कथा दाखवण्यात आली आहे. या निमित्ताने मालिकेतील अभिनेत्री खुशबू तावडे हिने आपल्या खास आठवणी शेअर केल्या आहेत. ती म्हणाली की, ‘रक्षाबंधनाचा दिवस आमच्यासाठी जिव्हाळ्याचा राहिला आहे, कारण घरात नेहमीच खेळीमेळीचं वातावरण राहिलं आहे. दरवर्षी सकाळी पहिली राखी देवाला असायची. तर, दुसरी राखी आमच्या बाबांना आणि तिसरी राखी मी आणि तितिक्षा एकमेकींना बांधायचो. लहानपणी जेव्हा कळतं वय नव्हतं, तेव्हा फक्त भेटवस्तूंसाठी राखी बांधायचो. पण, जेव्हा मोठे झालो तेव्हा कळायला लागलं तेव्हापासून बहिणीचं हे बंधन आणि नातं जोपासण्यासाठी आम्ही हा सण साजरा करायचं ठरवले.’
[ad_2]
Source link
