पुणे : पुण्यातील पिंपरी-चिंचवड परिसरातील रहिवासी असणाऱ्या व्यावसायिकाला फेसबूक वरील एका मुलीशी मैत्री चांगलीच भोवली आहे. त्याच्या फेसबूक वरील मैत्रिणीने त्याला भेटायला हॉटेल वर बोलावले. मात्र, हॉटेलमध्ये गेल्यावर दोन अज्ञात व्यक्तींनी त्यांना पकडत सायबर पोलीस असल्याचं भासवून व्यावसायिकाला तब्बल ५३ हजार ५०० रुपयांना लुटले. याप्रकरणी वारजे पोलीस ठाण्यात तिघांवर गुन्हा दाखल करण्यात आला आहे. हा प्रकार १६ ऑगस्टरोजी घडला.
