या पोस्टसोबतच स्पृहाने एक व्हिडीओ देखील शेअर केला आहे. या मालिकेच्या शूटिंग दरम्यान कलाकार आणि मालिकेच्या संपूर्ण टीमची मेहनत दाखवणारा व्हिडीओ देखील तिने आपल्या सोशल मीडिया अकाऊंटवर शेअर केला आहे. यामध्ये सगळेच कलाकार आणि तंत्रज्ञ मंडळी मालिकेसाठी राबताना दिसले होते. या पोस्टमध्ये तिने लिहिले की, ‘कुठल्याही मालिकेचं, चित्रपटाचं शूट सुविहीत पार पडावं यासाठी जिवापाड मेहनत करणारी ही सगळी मंडळी. सेटिंग, मेकअप, हेअर, साऊंड, लायटिंग, स्पॉट, कॅमेरा, डिरेक्शन, प्रॉडक्शन… या सगळ्या डिपार्टमेण्ट्सच्या खांद्यावर आमचा डोलारा उभा राहतो. आमच्या ‘लोकमान्य’ ची ही कमाल टीम.. या सगळ्यांना मनापासून धन्यवाद!’
