सुशांत सिंह राजपूत (sushant singh rajput) हे बॉलिवूडमधील असं नाव आहे जे चाहत्यांच्या मनातून कधीही पुसलं जाणार नाही. १४ जून २०२० रोजी सुशांतचा राहत्या घरी मृत्यू झाला. मात्र आजही त्याच्या आठवणी चाहत्यांच्या मनात जिवंत आहेत. सुशांतने आपल्या अभिनयाने चाहत्यांची मनं जिंकली होती. त्याची अनोखी स्टाइल प्रेक्षकांना प्रचंड भावली होती. कोणताही गॉडफादर नसताना बॉलिवूडमध्ये त्याने आपला वेगळा ठसा उमटवला. आपल्या मनमिळावू वागण्याने त्याने चाहत्यांना आपलंस केलं. त्यामुळेच त्याच्या मृत्यूची बातमी ऐकून चाहत्यांना प्रचंड मोठा धक्का बसला होता. आज त्याच्या स्मृतिदिनी त्याचे अनेक किस्से सोशल मीडियावर वायरल होत आहेत. परंतु, सुशांतने शाहरुखच्या मन्नत बाहेर बसून व्यक्त केलेली इच्छा त्याने खरी करून दाखवली होती हे तुम्हाला ठाऊक आहे का?
