सोनिया चँरिटेबल ट्रस्ट, फलटणच्या वतीने दहावी-बारावी उत्तीर्ण विद्यार्थ्यांचा सत्कार व शालेय साहित्य वाटप कार्यक्रम
सोनिया चँरिटेबल ट्रस्ट, फलटणच्या वतीने दहावी-बारावी उत्तीर्ण विद्यार्थ्यांचा सत्कार व शालेय साहित्य वाटप कार्यक्रम
फलटण : सामाजिक बांधिलकी जपत गेल्या तब्बल २० ते २२ वर्षांपासून विविध समाजोपयोगी उपक्रम राबविणाऱ्या सोनिया चँरिटेबल ट्रस्ट, फलटण यांच्या वतीने दहावी व बारावी उत्तीर्ण विद्यार्थ्यांचा सत्कार समारंभ तसेच शालेय साहित्य वाटप कार्यक्रमाचे आयोजन करण्यात आले आहे.
मा. नगरसेवक सनी अहिवळे व ट्रस्टच्या अध्यक्षा तथा नगरसेविका सुपर्णा सनी अहिवळे यांच्या मार्गदर्शनाखाली हा उपक्रम राबविण्यात येत असून, समाजातील गरजू, होतकरू व हुशार विद्यार्थ्यांना शैक्षणिक मदत करण्याचे कार्य सातत्याने करण्यात येत आहे.
बुद्ध निवास येथे येणाऱ्या विद्यार्थ्यांच्या समस्या समजून घेऊन त्यांना मदतीचा हात देण्याचे कार्य ट्रस्टमार्फत सुरू आहे. याआधीही ट्रस्टच्या माध्यमातून आदर्श महिलांचा सन्मान, उच्च शिक्षण घेणाऱ्या विद्यार्थ्यांना पुस्तके वाटप, शालेय विद्यार्थ्यांना बॅग, पुस्तके, वह्या, पेन वाटप, वृक्षारोपण, स्वच्छता अभियानांतर्गत डस्टबिन वाटप, पूरग्रस्तांना मदत तसेच कोरोना काळात अन्नदान असे अनेक सामाजिक उपक्रम राबविण्यात आले आहेत.
दि. ३१ मे २०२६ रोजी बुद्ध निवास, फलटण येथे दहावी व बारावी उत्तीर्ण विद्यार्थ्यांचा सत्कार समारंभ व शालेय साहित्य वाटप कार्यक्रम संपन्न होणार असून, विद्यार्थ्यांनी नाव, इयत्ता व मोबाईल क्रमांकासह नोंदणी करून या उपक्रमाचा लाभ घ्यावा, असे आवाहन करण्यात आले आहे.
संपर्क क्रमांक :
9960861186
9762419762
9309156688
9021121414
9850032176
9890673473
जयभीम… जयभारत!
