फलटण | २१ ऑक्टोबर २०२५: मुख्यमंत्री देवेंद्र फडणवीस यांच्या २६ ऑक्टोबर रोजी होणाऱ्या फलटण दौऱ्याच्या पार्श्वभूमीवर, महायुतीकडून जय्यत तयारी सुरू झाली आहे. या दौऱ्याच्या नियोजनाचा आढावा घेण्यासाठी माजी खासदार रणजितसिंह नाईक निंबाळकर आणि आमदार सचिन पाटील हे फलटण-कोरेगाव विधानसभा मतदारसंघात झंझावाती दौरा करणार आहेत.
२२ ते २५ ऑक्टोबर २०२५ दरम्यान ते जिल्हा परिषद गटनिहाय आणि प्रभागनिहाय बैठका घेणार असून, महायुतीचे कार्यकर्ते व पदाधिकाऱ्यांशी थेट संवाद साधणार आहेत. या दौऱ्यात स्थानिक विकासकामांचे भूमिपूजन व लोकार्पण सोहळेही होणार आहेत.
मुख्यमंत्री फडणवीस यांच्या हस्ते २६ ऑक्टोबर रोजी कोट्यवधी रुपयांच्या विकास प्रकल्पांचे उद्घाटन व भूमिपूजन होणार आहे. त्याआधी रणजितसिंह नाईक निंबाळकर आणि आमदार सचिन पाटील यांनी मतदारसंघातील जनतेशी व कार्यकर्त्यांशी संपर्क वाढवण्याचे नियोजन केले आहे.
दौऱ्याचे तपशीलवार वेळापत्रक:
🔹 २२ ऑक्टोबर २०२५ (बुधवार)
- ११:०० वा. – कोळकी जि.प. गट (स्थळ: कोळकी रेस्ट हाऊस)
- १२:०० वा. – दुधेबावी पं.स. गण बैठक (स्थळ: कोळकी रेस्ट हाऊस)
- ७:०० संध्याकाळ – उ. कोरेगाव (स्थळ: मंगल कार्यालय, पिंपोडे बु.)
🔹 २३ ऑक्टोबर २०२५ (गुरुवार)
- १०:०० वा. – वा. निंबाळकर पं.स. गण (स्थळ: स्वराज ग्रीन पॉवर, उपळवे)
- १:०० ते ४:०० दुपारी – कार्यकर्त्यांशी संवाद (स्थळ: निसर्ग हॉटेल, सुरवडी)
- ४:०० ते ६:०० दुपारी – तरडगाव, आदंर्की, हिंगणगाव येथे विकासकामांचे भूमिपूजन
- ६:२० संध्याकाळ – देशपांडे हॉस्पिटल भूमिपूजन, मालोजी नगर, कोळकी
- ७:०० वा. – विडणी जि.प. गट – पिंप्रद
- ७:३० वा. – बरड पं.स. गण – पिंप्रद
- ३:०० दुपारी – गुणवरे जि.प. गट (स्थळ: गोखळी)
🔹 २४ ऑक्टोबर २०२५ (शुक्रवार) – फलटण शहरातील प्रभाग बैठका
- ४:०० वा. – प्रभाग क्र. १ (स्थळ: महादेव मंदिर, सोमवार पेठ)
- ५:०० वा. – प्रभाग क्र. २ व ३ (स्थळ: डॉ. बाबासाहेब आंबेडकर सभागृह)
- ६:०० वा. – प्रभाग क्र. ४ (स्थळ: भैरवनाथ मंदिर, भैरोबा गल्ली)
- ७:०० वा. – प्रभाग क्र. ५ (स्थळ: स्वामी मंदिर, मलठण)
- ८:०० वा. – प्रभाग क्र. ६ (स्थळ: अभिनव चौक, मलठण)
- ९:०० वा. – प्रभाग क्र. ७ (स्थळ: भोसले वाडा, चिंचेचा झाड)
🔹 २५ ऑक्टोबर २०२५ (शनिवार) – फलटण शहर
- १०:०० वा. – प्रभाग क्र. ८ व ११ (स्थळ: नवलबाई मंगल कार्यालय)
- १०:०० वा. – प्रभाग क्र. १० (स्थळ: जलमंदिर)
- १०:०० वा. – प्रभाग क्र. १२ (स्थळ: फलटण)
- १०:०० वा. – प्रभाग क्र. १३ (स्थळ: गणपती मंदिर, आर्यमान हॉटेल शेजारी)
- ११:०० वा. – प्रभाग क्र. ९ (स्थळ: फलटण)
कार्यकर्त्यांना आवाहन:
या सर्व बैठकींना संबंधित जिल्हा परिषद गट, पंचायत समिती गण आणि नगरपालिका प्रभागातील महायुतीचे पदाधिकारी व कार्यकर्ते यांनी मोठ्या संख्येने उपस्थित राहावे, असे आवाहन आयोजकांनी केले आहे.
आगामी स्थानिक स्वराज्य संस्थांच्या निवडणुकांच्या पार्श्वभूमीवर या दौऱ्याला विशेष राजकीय महत्त्व प्राप्त झाले आहे.
