फलटण |रांची, बिहार येथे होणाऱ्या सब-ज्युनिअर राष्ट्रीय हॉकी स्पर्धेसाठी महाराष्ट्र संघात फलटणचा गौरव वाढवणारी आनंदाची बातमी समोर आली आहे. मुधोजी हायस्कूल व ज्युनिअर कॉलेज तसेच द हॉकी सातारा या संघटनेच्या चार उभरत्या महिला हॉकीपटूंची महाराष्ट्र संघासाठी निवड झाली आहे.
या खेळाडूंमध्ये
🔹 कु. अनुष्का केंजळे
🔹 कु. निकिता वेताळ
🔹 कु. श्रेया चव्हाण
🔹 कुमारी वेदिका वाघमोरे
यांचा समावेश असून, त्यांच्या उत्कृष्ट खेळकौशल्याच्या जोरावर त्यांनी ही निवड पटकावली आहे.
या यशाबद्दल सर्व खेळाडूंचे, त्यांच्या पालकांचे, प्रशिक्षकांचे आणि शाळेचे मन:पूर्वक अभिनंदन करण्यात येत आहे. या खेळाडूंनी आपल्या मेहनतीने महाराष्ट्राचे प्रतिनिधित्व करण्याचा मान मिळवून फलटण तालुक्याचे नाव उज्वल केले आहे.
साहस Times परिवाराकडून या सर्व खेळाडूंना पुढील वाटचालीसाठी मनःपूर्वक शुभेच्छा!
