फलटण : भारतीय बौद्ध महासभा जिल्हा शाखा सातारा पूर्व, तालुका फलटण व बुद्ध भिम संदेश अध्यापक गितमंच फलटण यांच्या संयुक्त विद्यमाने लंडन येथील नामांकित बॅंकेत उच्च पदावर नवनिर्वाचित आयु.मिलिंद दत्ता अहिवळे, Eagle View सारख्या नामांकित कंपनीमध्ये निवड झालेला पराग लोंढे व पायलट म्हणून निवड झालेला संकेत अहिवळे यांचे अभिनंदन व सत्काराचा कार्यक्रम दि.२२/०६/२०२५ रोजी सायंकाळी ६ वाजता बुद्ध, फुले, शाहू, आंबेडकर सामाजिक सभागृह बुद्धविहार कोळकी ता. फलटण या ठिकाणी संपन्न झाला.
भारतीय बौद्ध महासभेचे सातारा जिल्हा पूर्व विभागाचे अध्यक्ष नानासो मोहिते यांच्या अध्यक्षतेखाली सदर सोहळा पार पडला.या सोहळ्यात श्रीमंत घोरपडे सर, दादासाहेब भोसले, दत्ता अहिवळे, माजी प्राचार्य शिवाजी सावंत,अरुण गायकवाड, सिद्धार्थ अहिवळे, सुहास अहिवळे, घाडगे,ननावरे,अमोल काकडे, अरविंद निकाळजे, सह लोंढे दांपत्य यांनी तिघांनाही पुढील भावी आयुष्यासाठी, कारकिर्दीस शुभेच्छा दिल्या.
भारतीय बौद्ध महासभेच्या वतीने आपल्या आपल्या क्षेत्रात यशस्वी ठरलेल्या सत्कार मूर्तींचे समाजभान जपत, सामाजिक जबाबदारीची जाणीव देत, त्यांचे शाल-पुष्पगुच्छ, मिठाई वाटून हर्षोल्हासात स्वागत सत्कार करून मंगल कामना देत, कौतुक करून, सन्मानपूर्वक गौरविण्यात आले.
या तिन्ही यशस्वी युवकांच्या यशात भारतीय बौध्द महासभेचे अर्थात धम्म चळवळीने दिलेल्या संस्काराचे योगदान असल्याची भावना तिन्ही यशस्वी युवकांनी व्यक्त केली.त्याचे मूल्य करता येणे शक्य नाही असे मत सत्काराला उत्तर देताना व्यक्त केले.
