दि. ६ जून २०२५ | सोलापूर जिल्हा :- सोलापूर जिल्ह्याचे पालकमंत्री जयकुमार गोरे हे शुक्रवार, दिनांक ६ जून २०२५ रोजी सोलापूर जिल्ह्याच्या दौऱ्यावर येत असून, आगामी आषाढी वारीच्या पार्श्वभूमीवर विविध ठिकाणी भेटी व पाहण्या करून आढावा घेणार आहेत.
दौऱ्याची सुरुवात सकाळी ८.३० वाजता सोलापूर येथील शासकीय विश्रामगृहातून होणार असून, तत्पश्चात सकाळी ८.४५ वाजता जिल्हा परिषद कार्यालय सोलापूर येथे आयोजित शिवराज्याभिषेक दिन कार्यक्रमाला उपस्थित राहतील.
यासह पुढीलप्रमाणे महत्त्वाचे कार्यक्रम:
🔹 पंढरपूरमध्ये ६५ एकर पालखी स्थळ व वाळवंट पाहणी – सकाळी १०.३० वाजता
🔹 आषाढी वारी संदर्भात आढावा बैठक – सकाळी ११.३० वा., कर्मवीर भाऊराव पाटील महाविद्यालय, पंढरपूर
🔹 अरण तीर्थक्षेत्र पर्यटन विकास आराखड्यावर जिल्हास्तरीय बैठक – १२.३० वा.
🔹 वाखरी, भंडीशेगाव, वेळापूर, माळशिरस, नातेपुते इत्यादी पालखी तळांचे स्थळ पाहणी दौरे – दुपारी १.३० नंतर
🔹 दुपारी ४.०० नंतर फलटण तालुक्यातील बरड गावाकडे प्रयाण
संपूर्ण दौऱ्यात पालकमंत्री जयकुमार गोरे यांच्यासमवेत सोलापूर जिल्हा प्रशासनातील वरिष्ठ अधिकारी, पंढरपूर नगरपालिका व विभागीय अधिकारी उपस्थित राहणार आहेत. आषाढी वारीपूर्वीची ही पाहणी व आढावा दौरा महत्त्वपूर्ण मानला जात आहे.
