गोंदवले बुद्रुक, 6 एप्रिल 2025 (साहस टाइम्स):
भारतीय जनता पक्षाच्या 46व्या स्थापना दिनानिमित्त माण-खटाव विधानसभा मतदारसंघातील शेतकरी भवन, गोंदवले बुद्रुक येथे ग्रामविकास मंत्री जयकुमार गोरे (भाऊ) यांच्या उपस्थितीत भव्य कार्यकर्ता संमेलन संपन्न झाले.
कार्यक्रमाच्या प्रारंभी हिंदवी स्वराज्याचे संस्थापक श्रीमंत छत्रपती शिवाजी महाराज यांच्या सिंहासनाधिष्ठीत पुतळ्याला पुष्पहार अर्पण करून अभिवादन करण्यात आले. यानंतर मुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे आणि कार्यकारी अध्यक्ष रवींद्र चव्हाण यांचे मार्गदर्शक विचार ऑनलाईन प्रणालीद्वारे कार्यकर्त्यांनी ऐकले.
भाजपच्या स्थापनेचा गौरव साजरा करताना राज्यात 1.5 कोटी सदस्य नोंदणीचे उद्दिष्ट पूर्ण झाल्याचा आनंदोत्सवही साजरा करण्यात आला. माण-खटाव मतदारसंघात 71,000 सदस्य नोंदणी पूर्ण केल्याबद्दल जयकुमार गोरे यांनी सर्व कार्यकर्त्यांचे आभार मानले.
याप्रसंगी श्रीराम नवमीचाही उल्लेख करत “प्रभू श्रीराम सर्वांना आशीर्वाद देवो” अशी प्रार्थना करण्यात आली. राष्ट्रगीताच्या सामूहिक गायनाने कार्यक्रमाची सांगता झाली. यावेळी सौ. सोनिया गोरे, आमदार डॉ. दिलीपराव येळगावकर, म्हसवड, दहिवडी आणि खटाव मंडळांचे अध्यक्ष, महिला मोर्चा व युवा मोर्चा पदाधिकारी मोठ्या संख्येने उपस्थित होते.
