प्रवीण काकासाहेब घोडके (वय ३६) असे मृत व्यक्तीचे नाव आहे. घोडके हे शेती करत होते. त्यांना दोन मुले आणि एक मुलगी, अशी तीन अपत्ये आहेत.राज्यात मराठा आरक्षण आंदोलन पुन्हा चिघळत चाललं असून मराठा बांधव आक्रमक झाला आहे. प्रवीण घोडकेही मराठा आरक्षणाच्या मागणीसाठी मागील काही दिवसांपासून सुरू असलेल्या आंदोलन सक्रिय सहभागी असायचे. यावेळी मराठ्यांना कोणत्याही परिस्थितीत आरक्षण मिळणारच, असे ते छातीठोकपणे सांगत होते. मात्र, सरकारने ३० दिवसांच्या मुदतीतही मराठा समाजाला आरक्षण दिलं नसल्यानं प्रवीण घोडके निराश झाले होते. याच नैराश्यातून त्यांनी बुधवारी दुपारच्या सुमारास शेतातील आंब्याच्या झाडाला दोरीच्या साहाय्याने गळफास घेऊन आपलं आयुष्य संपवलं.
