सातारा जिल्ह्यातील पर्यटन स्थळांच्या बंदीवर जिल्हाधिकाऱ्यांचा यु टर्न; पर्यटन बंदीचा आदेश मागे

Satara News: नुकताच सातारा जिल्ह्यातील प्रशासकीय यंत्रणेच्या अजब कारभाराचा अजब आदेश बघायला मिळाला होता. यात सातारा जिल्ह्याच्या पश्चिम भागातील पर्यटनस्थळे तब्बल दोन महिने बंद ठेवण्याचा निर्णय प्रशासनाने घेतला. काल म्हणजेच 20 जून ते 19 ऑगस्टपर्यंत हा बंदचा आदेश लागू करण्यात आला होता. मात्र यावर ABP माझाने आवाज उठवल्यानंतर ही बंदी आता मागे घेण्यात आली आहे. सातारा जिल्ह्यातील पर्यटन बंदीवर आता स्वत: जिल्हाधिकारी संतोष पाटील यांनी यु-टर्न घेतल्याचे बघायला मिळाले आहे. 

दरम्यान, दोन महिने पर्यटन बंदीचा आदेश जिल्हाधिकाऱ्यांकडून काढण्यात आला होता. मात्र आता सातारा जिल्ह्यातील सर्व पर्यटन स्थळाचा आनंद घेता यावा यासाठी कोणत्याही स्वरूपाची बंदी नाही, असा आदेश काढण्यात आला आहे. पर्यटन करताना जीवावर बेतणार नाही. याची पुरेपूर काळजी घ्यावी, असे आवाहन देखील प्रशासनाकडून करण्यात आले आहे. विशेष म्हणजे सातारा हा पर्यटन मंत्री शंभूराजे देसाई यांच्या जिल्हा असून त्यांच्या जिल्ह्यातच पर्यटनाला बंदी घालण्यात आली होती. मात्र ABP माझाने यावेर आवाज उठवल्यानंतर ही बंदी मागे घेण्यात आली आहे.

कोणती होती निर्बंध लावलेली ठिकाणे ?

अजिंक्यतारा किल्ला, ठोसेघर धबधबा, केरळली सांडवली धबधबा, वजराई धबधबा, कासपुष्प पठार, एकीव धबधबा, कास तलाव , बामनोली, सडा वाघापूर उलटा धबधबा, ओझर्डे धबधबा, घाटमाथा धबधबा, लिंगमळा धबधबा, तसेच महाबळेश्वर आणि पाचगणी पर्यटन स्थळ त्याचबरोबर धरण अशा पर्यटन स्थळाच्या परिसरामध्ये पर्यटक गर्दी होत असते. त्यावर पर्यटकांच्या सुरक्षितेच्या दृष्टिकोनाने सातारा जिल्हाधिकारी संतोष पाटील यांनी निर्बंध घातले आहेत. तर या आदेशाचे उल्लंघन केल्यास त्यांच्यावर कायदेशीर कारवाई केली जाईल. असेही सांगण्यात आले आहे. 

साताऱ्यातील पर्यटन बंदीमुळे स्थानिक व्यवसायिकांमध्ये नाराजी

सातारा जिल्ह्यात जिल्हाधिकारी संतोष पाटील यांनी साताऱ्यातील पर्यटन क्षेत्रात 19 ऑगस्टपर्यंत पर्यटनावर बंदी घातली होती. साताऱ्यात सध्या मुसळधार पाऊस कोसळत असून मोठ्या प्रमाणात दरडी कोसळत आहेत. या मुळेच सुरक्षेच्या दृष्टिकोनातून ही बंदी घालण्यात आली असल्याचे बोलल्या जात आहे. परंतु या निर्णयाबाबत स्थानिक व्यवसायकांनी नाराजी व्यक्त करत एबीपी माझासमोर आपल्या व्यथा मांडली आहे. मात्र आता प्रशासनाने हा निर्णय मागे घेतल्याने पर्यटक आणि स्थानिक व्यवसायीकांमध्ये आनंदाचे वातावरण आहे. 

इतर महत्वाच्या बातम्या  

आणखी वाचा