सलमान खान आणि कंगना रनौत टीव्हीवर भिडणार, बिग बॉस आणि लॉकअप एकाच दिवशी प्रदर्शित होणार?

Bigg Boss 18 Vs Lock Upp 2 clash: छोट्या पडद्यावरचा लोकप्रिय टीव्ही शो ‘बिग बॉस ओटीटी ३’ संपताच प्रेक्षक ‘बिग बॉस सीझन १८’ची आतुरतेने वाट पाहत आहेत. सलमान खानच्या शोची चाहत्यांना खूप उत्सुकता लागून राहिली आहे. एकीकडे सलमानच्या शोची चर्चा सुरू असताना आता दुसरीकडे, ‘पंगा क्वीन’ कंगना रनौतचा शो ‘लॉकअप सीझन २’ची चर्चाही जोर धरू लागली आहे. कंगनाचा शो ‘लॉकअप’चा दुसरा सीझनही लवकरच सुरू होऊ शकतो, असे म्हटले जात आहे. यानिमित्ताने कंगना रनौत आणि सलमान खान यांच्यात टीव्हीवरची सर्वात मोठी टक्कर देखील पाहायला मिळणार आहे.