बीज जिल्ह्यातील केज तालुक्यामधील मस्साजोग गावचे सरपंच संतोष देशमुख हत्या प्रकरण मुंडे बहीण भावाला चागलंच भोवण्याची चिन्हे आहेत. देशमुख हत्या प्रकरणानंतर बीड जिल्ह्यासह राज्यातील राजकीय वातावरण ढवळून निघालं आहे. हत्या प्रकरणासह पवनचक्की खंडणी प्रकरणातील आरोपी वाल्मीक कराड याला अटक केल्यानंतर आता धनंजय मुंडे यांना मंत्रिमंडळातून हटवण्याची मागणी जोर धरत आहे. त्यातच बीडमध्ये फोफावलेली गुन्हेगारी मोडीत काढण्यासाठी जिल्ह्याचं पालकमंत्रिपद मुंडे बहीण-भावाला न देता महायुतीच्या प्रमुख नेत्यांपैकी कोणीही घ्यावं, अशी मागणी जिल्ह्यातील सर्वपक्षीय आमदारांकडून केली जात आहे. त्यामुळे महायुतीच्या नेत्यांनी धक्कातंत्र वापरत बीडच्या पालकमंत्रीपदाचा निर्णय जवळपास निश्चित केला आहे.
