Uddhav Thackeray Shiv Sena UBT: विधानसभा निवडणुकीत उद्धव ठाकरेंच्या शिवसेनेला दारुण पराभवाचा सामना करावा लागला. ठाकरेंच्या शिवसेनेला अवघ्या २० जागा मिळाल्या. विधानसभेत चारी मुंड्या चीत झाल्यानंतर आपले अस्तित्व टिकवण्यासाठी मुंबई महापालिका निवडणूक ठाकरे गटासाठी एक संधी आहे. मुंबई महापालिका निवडणुकीसाठी उद्धव ठाकरेंनी तयारी सुरू केली असून आज पदाधिकारी व माजी नगरसेवकांची बैठक बोलावली होती. या बैठकीत उद्धव ठाकरेंनी कार्यकर्त्यांना कामाला लागण्याच्या सूचना दिल्या आहेत.
