म्यानमार आणि त्याच्या आसपासच्या देशांसाठी शुक्रवारचा दिवस खूप भयानक होता. कारण इथे आलेल्या विनाशकारी भूकंपामुळे जगाला हादरुन सोडलं. भूकंपामुळे अनेकांना आपले प्राण गमवावे लागले, शेकडो घरं उद्ध्वस्त झाली. तुम्हाला माहिती आहे का की या विनाशकारी भूकंपाची भविष्यवाणी एका भारतीय मुलाने तीन आठवड्यापूर्वीच केली होती. हा मुलगा म्हणजे भारतीय ज्योतिषी अभिज्ञ आनंद जो कोविड-19 साथीच्या आजाराचे अचूक भाकित करण्यासाठी ओळखला जातो.
कधी केली भविष्यवाणी?
अभिज्ञ याने तीन आठवड्यांपूर्वीच भूकंपाचा इशारा दिला होता. 1 मार्च रोजी अभिज्ञाच्या यूट्यूब चॅनलवर अपलोड केलेल्या या व्हिडrओमध्ये असा दावा करण्यात आला होता की, पुढील काही आठवड्यात किंवा या वर्षाच्या मध्यात एक मोठा भूकंप होणार आहे. अभिज्ञ आनंदचा जन्म ऑक्टोबर 2006 मध्ये झाला. तो कर्नाटकातील एका ब्राह्मण कुटुंबातला आहे. आनंदने अगदी लहान वयातच ज्योतिष, वास्तु, आयुर्वेद आणि धार्मिक ग्रंथांचा अभ्यास करायला सुरुवात केली. वयाच्या 14 व्या वर्षी ते जगातील सर्वात तरुण प्रमाणित ज्योतिषी बनले. त्यांना संस्कृत, वेद, पुराण आणि ज्योतिषशास्त्राचे उत्तम ज्ञान आहे.
यापूर्वी केली होती भविष्यवाणी!
अभिज्ञ आनंदने 2019 मध्ये त्यांच्या यूट्यूब चॅनलवर एक व्हिडीओ अपलोड केला होता, ज्यामध्ये त्यांनी कोरोना साथीच्या (COVID-19) आगमनाची भविष्यवाणी केली होती. त्यांनी सांगितलं होते की डिसेंबर 2019 ते एप्रिल 2020 दरम्यान जगभरात एक साथीचा रोग पसरेल. त्यांनी या साथीचे कारण ग्रहांची अशुभ स्थिती, विशेषतः राहू आणि केतूचा प्रभाव असल्याचे सांगितलं होतं. या साथीचा परिणाम आरोग्य, अर्थव्यवस्था आणि जागतिक स्थिरतेवर होईल, असा इशारा त्यांनी दिला होता. त्यांच्या भाकितानुसार, अनेक लोकांचे प्राण जातील आणि अर्थव्यवस्थेचे मोठे नुकसान होईल. त्याची भविष्यवाणी बऱ्याच प्रमाणात खरी ठरली, ज्यामुळे तो जगभरात चर्चेचा विषय बनला.
नवीन संकटाबद्दल इशारा
अभिज्ञ आनंद यांनी रशिया-युक्रेन युद्धाचीही भविष्यवाणी केली होती. त्यांनी सांगितले होते की फेब्रुवारी 2022 च्या आसपास एक मोठा लष्करी संघर्ष होईल, जे खरे ठरले. आनंद यांनी 2023 मध्ये जागतिक महागाई आणि आर्थिक संकट वाढेल असे भाकीत केले होते. त्यांनी म्हटलं होतं की बाजारात घसरण आणि मंदीचा काळ असेल, जो अनेक देशांमध्ये दिसून आला. त्यांनी भूकंप, पूर आणि वादळ यासारख्या नैसर्गिक आपत्तींबद्दलही इशारा दिला होता, ज्यापैकी बरेच खरे ठरले. अभिज्ञ आनंद यांनी भाकीत केले आहे की 2025-2026 मध्ये जग पुन्हा एकदा मोठ्या संकटातून जाणार आहे. शनि आणि राहू-केतूच्या अशुभ संयोगामुळे हे संकट आणखी गहिरे होऊ शकते, असा इशारा त्यांनी दिला आहे.
अभिज्ञ आनंद यांचे “विवेक” हे यूट्यूब चॅनल आहे ज्यावर ते ज्योतिष, वास्तु, आरोग्य आणि धार्मिक ज्ञानाशी संबंधित गोष्टी शेअर करतात. त्याच्या चॅनेलवर 40 लाखांहून अधिक सबस्क्राइबर्स आहेत. त्याचे व्हिडीओ लाखो लोक पाहतात आणि त्याच्या भाकिते गांभीर्याने घेतली जातात.
